FIMO – 5 чекори пред да започнете

Назад кон Откријте !

FIMO – 5 чекори пред да започнете

Креирајќи накит/акцесоари, домашен декор или персонализирани подароци, не само што е премногу забавен процес туку ќе ве направи и горди на се она што можете да креирате. За процесот при работа со FIMO да ви биде позабавен и полесен, ви даваме 5 чекори пред да започнете со FIMO.

1. Работна површина

Постојат неколку совршени површини за работа со FIMO, како стакло, хартија за печење или рамна пластична плоча.
Причината поради која се препорачуваат е бидејќи имаат рамна површина и спречува различни текстури да се префрлат на вашата
FIMO креација. Од друга страна, FIMO глината за моделирање, е полесно да се отстрани кога е на рамна површина.

2. Чиста работна површина и раце

Најдобар начин за чистење на работната површина и вашите раце е мокро крпче. Нежно е на рацете и ја отстранува нечистотијата која може да се префрли на FIMO креацијата. Честото миење на рацете, не е на одмет.

3. Правилно отварање на FIMO пакувањето

Пред да започнете со FIMO, пакувањето треба да се отвори. На задниот дел од коцката имате маркирано каде треба да ги повлечете двете страни. Со следење на инструкциите ќе го отворите пакувањето правилно и потоа ќе можете истото да го искористите кога ќе завршите.

4. Правилно печење на FIMO

За правилно да ја испечете вашата FIMO креација, треба да ја предгреете рерната на 110 степени целзиусови, откако ќе се загрее, ја ставате креацијата и печете 30 минути.
Наш совет е да употребите термометар кој ќе ја мери температурата за вашата креација да не изгори или да смени потемна боја.

5. Правилно чување на FIMO

Секоја FIMO глина која нема да ја употребите, може да ја зачувате за понатака. FIMO глината треба да биде подалеку од прашина и од топлина и сончева енергија.
Наша препорака е да ја сочувате во алуминумска фолија во сад, на ладно и суво место.

Кога ќе ја отпакувате FIMO глината најубаво е прво да ја замесите, така станнува мека и е полесна за формирање. Можете да ја работите со раце, како правење на монистри или делови од накит или може да ги искористите FIMO алатките кои ја олеснуваат работата.

Напишете коментар

Вашата адреса за е-пошта нема да биде објавена.

Назад кон Откријте !